Во рамките на ТРЕТИОТ ОТВОРЕН ДЕН НА УКЛО, кој се одржа во просториите на ФАКУЛТЕТ ЗА ТУРИЗАМ И УГОСТИТЕЛСТВО – ОХРИД, СН Осигурителен Брокер пред студентите ја претстави својата дејност и можностите за кариерен просперитет од страна на младите.
Имено, овој ден беше успешен пример за партиципативен пристап и активно партнерство. Партнерство кое прогресира околина за младите и студентите да останат во регионот. Да ги стават на располагање своите вештини на локалната заедница. Нашата компанија со задоволство одговори на поканата од „Факултетот за туризам и угостителство“ во Охрид и тимот беше присутен на настанот.
![студентите](https://snbroker.mk/wp-content/uploads/2024/05/укло-2-768x1024.jpg)
Третиот отворен ден на УКЛО И ПРИЈАТЕЛИТЕ, се одржа под мотото ПОВЕЌЕ ОД ОБРАЗОВАНИЕ“. Официјалното отворање беше од страна на Ректорот на УКЛО, Проф. Д-р Игор Неделковски и Деканката на ФТУ Охрид, Проф. Д-р Снежана Дичевска.
Отворениот ден вклучи две панел дискусии. На првата панел дискусија дискутираа најуспешните студенти на УКЛО. Додека на другата панел дискусија зедоа збор Ректорот на УКЛО, Градоначалникот на Охрид, г-дин Кирил Пецаков и претставници од Стопанската комора и факултетите на УКЛО. На крај следуваше изложбениот дел. Во истиот, компаниите и единиците на Универзитетот можеа да ги презентираат можностите за кариерен развој на своите институции.
Студентите, особено од отсекот „Осигурување“ на ФТУ Охрид, покажаа интерес околу нашата работа. А нашиот тим со задоволство детално ги запозна со дејноста и услугите на СН Осигурителен Брокер АД Битола, како и со можностите за кариерниот развој токму во нашата компанија.
![студентите](https://snbroker.mk/wp-content/uploads/2024/05/укло-3-768x1024.jpg)
„На ТРЕТИОТ ОТВОРЕН ДЕН НА УКЛО, ги претставивме услугите кои ги нудиме како брокерско друштво. Ги запознавме студентите со нашите работните места. Со нашите позиции, а исто така ги презентиравме и можностите за професионален кариерен развој и раст. “ – истакна Даме Блажески, референт за продажба и раководител на нашата експозитура во Охрид.
–СН Осигурителен Брокер останува отворен за соработка, со интенција и можност, теоретското знаење на студентите да премине во пракса и вработување во една компанија која останува да биде лидер во пазарот на осигурувањето во Македонија. – поентира Блажески поздравувајќи ја оваа иницијатива.
Како општествено одговорна компанија, СН Осигурителен Брокер и во иднина ќе ја продолжи оваа пракса. Со задоволство ќе одговара на поканите од овој тип. Затоа што соработката на студентите и компаниите ги зголемува професионалните капацитети на младите, што е релевантно за напредувањето на младите на пазарот на трудот.