Го запознаваме тимот на СН: Наде Петроска, Стручен соработник во сектор Дополнително здравствено осигурување

Скопје, градот на соништата, урбана култура, рапиден и динамичен свет. Се наоѓаме во главниот град на Македонија. Токму во оваа урбана приказна, разговараме за нашиот деловен успех како брзорастечка компанија со свој претставник – експозитура во местото кое на еден начин е почетна точка од каде соништата стануваат реалност. Место кое веруваме дека претставува епицентар за вклучување на бизнис соработки, постојан раст и нови идеи кои ги креираме со тимот. А штом сме кај тимот, петочно го отвараме денот со утринско „скопско“ кафе. Разговараме со нашата колешка Наде Петроска, стручен соработник во сектор Дополнително здравствено осигурување.

„Годината е составена од 365 дена, а тоа значи 365 можности!“

Така го започнавме кафе муабетот во кежуал атмосфера малку подалеку од работното биро. Ја запознаваме Наде одблиску и разговараме за нејзините афинитети, амбиција и што значи да си дел од тимот на СН, поконкретно во сектор дополнително здравствено осигурување.

-Се сметам за амбициозен човек, вели Наде. Верувам дека секој ден е нова можност за одново креирање и составување на целиот тој кариререн план. Сакам предизвици, отворена сум за соработки и сметам дека нештата се случуваат токму онака како што сме ги замислиле, само ако веруваме во нив.

Како започнува твојот работен ден?

Денот ми започнува со кафе, планер и агенда. Добриот концепт и планот за обврските кои следат, секогаш ми помага за лесно соочување со работниот ден.

Што ја полни со енергија Наде на работа и дома?

Јас сум социјален тип. Сакам луѓе, разговори, позитивни лица, насмевки… Верувам дека тоа е заразно, па затоа и се трудам и јас да сум таков човек. Сакам да влијаам позитивно кон колегите, тимот и кон семејството и пријателите. За нас, тимот е најважниот сегмент, па многу е важна атмосферата која ја создаваме во канцелариите на нашата компанија. СН Осигурителен брокер е брзорастечки токму поради таквиот дух кој ги следи светските трендови, и не запира на стереотипи и знае што значи тимска работа. Моите колеги и пријатели се моето сѐ.

Наде Петроска

Експозитура Скопје

Улица: „Калош Дани” бр. 22- Кочански пат

Службен телефон: 075 499 715